Búið er að raða í riðla í 3. deildinni í sumar. Nokkur breyting varð á niðurröðun í riðla og breytti KSÍ svæðaskiptingunni. KFS leikur í b riðli ásamt Augnablik, Árborg, Sindra, Drangi, Hamar, Reyni S. og Ægi. Nokkuð sterkur riðill. Viðureignum í 8-liða úrslitum hefur líka verið breytt. Nú er ekki sama hvort þú lendir í 1. eða 2. sæti í þínum riðli, 1. sæti leikur gegn d riðli en 2. sætið gegn a riðli. Skiptinguna má sjá hér

Ársþing KSÍ fór fram á laugardaginn var. Þar lágu fyrir hinar ýmsu tillögur, m.a. um breytingu á bikarkeppninni á þann veg að liðin 10 í Úrvalsdeild komi ekki inn fyrr en í 16-liða úrslitum í stað 32-liða áður. Þessi tillaga var samþykkt og þýðir þetta að það er nær ómögulegt fyrir "minni" liðin að komast í leik gegn liðunum í efstu deild. Eins og menn muna hefur KFS lent á móti stærstu liðunum undanfarin ár í 32-liða úrslitum, Fylki, KR og ÍBV. Möguleikarnir á að mæta þessum liðum framvegis eru ekki miklir. KFS verður reyndar ekki með í bikarkeppninni þetta árið, ljóst að því fylgir mikill kostnaður, helmingaskiptareglan varðandi kostnaðinn gildir áfram og ljóst að tekjur af miðasölu gegn minni liðum (álíka KFS) eru miklar. En Hjalti barðist á móti þessari tillögu á þinginu og ÍBV var á móti henni. En hún náði í gegn og verður fróðlegt að sjá hvernig þessar viðureignir í 16-liða úrslitum verða.