Á ársþingi KSÍ um liðna helgi var samþykkt tillaga um að fjölga liðum í 1. deild úr 10 í 12 lið. Mun þessi fjölgun eiga sér stað á næsta ári. Þetta hefur þau áhrif að í sumar munu 3 lið fara upp úr 2. og 3. deild þannig að möguleikar KFS til að komast aftur uppí 2. deild eru meiri nú en áður. Um að gera að taka sumarið af krafti og fara upp í sumar.
-// Þetta skrifaði Formaðurinn kl. 10:11 //-
Búið er að draga í riðla í 3. deild fyrir komandi sumar. KFS leikur í A. riðli og er lítur riðillinn svona út:
KFS
Afríka
Árborg
GG
Grótta
Hamar
Ægir
KV (knattspyrnufélag Vesturbæjar)
Víðir
Flestir góðkunningjar okkar en nokkrir nýjir líka sem er fínt. Alla vega þurfum við ekki að ferðast langar leiðir til að spila sem er gott, ekki veitir af að passa uppá fjárhaginn. Vonandi á enginn eftir að draga sig úr keppni eins og gerðist í fyrra.
-// Þetta skrifaði Formaðurinn kl. 10:06 //-
Nú styttist í að keppni hefjist í Deildarbikarkeppni KSÍ, en rétt um mánuður er í fyrsta leik hjá KFS. Fyrsti leikur er 12. mars gegn Tindastóli í Fífunni í Kópavogi og hefst leikurinn kl. 13:05. Næstu leikir verða sem hér segir:
sun. 19. mars kl. 15 KFS-Dalvík í Reykjaneshöllinni
lau. 25 mars kl. 15 Haukar-KFS í Reykjaneshöllinni
lau. 8. apríl kl. 14:05 KFS-Selfoss í Fífunni
sun. 23. apríl kl. 14 Afturelding-KFS á Ásvöllum
Ljóst að þarna verður um hörkuleiki að ræða. Mannskapurinn hefur verið að æfa vel, bæði í Reykjavík og í Eyjum. Þá hefur farið fram einn æfingaleikur í Reykjavík, gegn Marshall sem tapaðist 3-2 en um næstu helgi fer fram leikur gegn vinum okkar í Ægi frá Þorlákshöfn og verður hann á Stjörnuvelli. Menn hvattir til að mæta í þann leik.
-// Þetta skrifaði Formaðurinn kl. 09:56 //-
