Leik KV og KFS lauk 2-1 fyrir KV mönnum. Leikurinn byrjaði kröftuglega en í fyrri hálfleik voru 2 rauð spjöld og eitt mark. Einum leikmanni úr hvoru liði var vísað af velli eftir um það bil 30 mín leik og KV náði að skora eina mark hálfleiksins. Í hálfleik var farið yfir stöðu mála og KFS kom sterkara til leiks í seinni hálfleik.

Náði Anton Rafn að jafna metin með glæsilegri bakvarðsspyrnu, eftir hornspyrnu en hægt er að sjá mynd af markinu, hérna í myndasyrpunni. Eina vandamálið er að Stjórinn sjálfur ákvað að standa upp af bekknum og var því fyrir myndinni, en það er hægt að sjá Stjóran, leikmann KV reyna að bjarga markinu og boltan sjálfan í netinu. Myndin af marki KFS er hérna neðst í þessari frétt. Leikurinn var svo allur í járnum en á lokamínutum leiksins fengu KV menn aukaspyrnu rétt fyrir utan teig, þar sem markvörður KFS varði glæsilega í slána en KV menn voru fljótari að átta sig, fylgdu eftir og skoruðu sigurmarkið. KFS reyndu hvað þeir gátu að jafna metin en 2-1 ósigur staðreynd. Næsti leikur er svo við Augnablik, þann 15 apríl á Stjörnuvelli.

Ég var með myndavélina mína á vellinum og er hægt að skoða myndirnar með því að smella hérna. Sumar eru úr focus og ekki fullkomnar en þið sjáið allavega myndir frá leiknum.

Á morgun, laugardag, keppir KFS við lið KV úr vesturbænum. Leikurinn hefst klukkan 16:00 á KR-gervigrasvellinum og hvetjum við alla eyjamenn jafnt sem aðra til að kíkja á völlinn og sjá hið gríðarlega sterka og unga lið KFS.

KV er í efsta sæti í 3-riðli C-deildar lengjubikarsins og KFS í því öðru eftir einn leik, bæði með 3 stig. Þessi leikur er því gríðarlega mikilvægur því ef sigur næst erum við komnir lang leiðina í úrslit.

Eins og á heimasíðu KV, fckv.com, er sagt eftirfarandi: "KFS er með sterkt lið og án þess að á önnur lið sé hallað þá er þetta mjög líklega einn af úrslitaleikjum riðilsins." Sem er nátturulega allveg hárrétt hjá þeim. Því verður þetta rosalega leikur og verður væntanlega ekkert gefið eftir.

Hægt er að sjá úrslit og stöðuna á vef ksi.is með því að smella hérna.

„Það er sérstök ánægja að tilkynna ykkur um að ríkisstjórnin samþykkti á fundi sínum í morgun að setja á laggirnar ferðasjóð undir stjórn ÍSÍ og gera um það mál þriggja ára samning með 180 milljón króna framlagi, þ.e. 30 milljónir 2007, 60 milljónir 2008 og 90 milljónir 2009,“ segir Stefán Konráðsson, framkvæmdastjóri ÍSÍ, bréfi sem hann hefur sent félögum innan hreyfingarinnar.

Að sögn Þórs Vilhjálms., formanns undirbúningsnefndarinnar bendir allt til, að við fáum ferðastyrki eins og ÍBV. Skila þarf nákvæmum reikningum líklega. Ef þetta reynist allt rétt, er hér um að ræða mikilvægustu frétt í sögu KFS og tilvera þess líklega tryggð um ókomna framtíð. Auðvitað vitum við ekkert um enn, hvenær ferðakostnaður fer að skila sér til baka í kassann. --Stjórinn--

KFS lék á laugardaginn sinn fyrsta leik gegn KFR í Lengjubikarnum. Leikið var á Selfossi í leiðindaveðri. En sigur hafðist 4-2 (2-0) og skoraði Guðgeir fyrsta mark leiksins um miðjan fyrri hálfleik, eftir stungusendingu Stefáns Bragasonar. Sigurður Ingi kom svo KFS í 2-0 nokkrum mínútum seinna.

Staðan því góð fyrir okkur í hálfleik og þar sem mikið rok og bleyta var á staðnum fóru leikmenn inní búningsklefa og fengu sér heitt te. Seinni hálfleikur byrjaði að krafti og náðu KFR menn að skora mark beint úr aukaspyrnu af 30m færi. Sigurður Ingi kom svo KFS í 3-1 þegar hann lyfti boltanum yfir markvörð KFR. Hann fullkomnaði svo þrennuna með góðu skoti fyrir utan teig sem lá í bláhorninu. KFR menn skoruðu mark allveg undir lok leiksins og því lokatölur 4-2.

Hægt er að lesa umfjöllun Stjórans um leikinn hérna, og umfjöllun Formannsins hérna. Ég var með myndavélina mína á vellinum og er hægt að skoða myndirnar með því að smella hérna. Sumar eru úr focus og ekki fullkomnar en þið sjáið allavega myndir frá leiknum.