Fyrsti heimaleikur KFS fór fram í gær, sunnudag í vægast sagt, hræðilegu veðri. Framan af deginum var fínt veður og komst bæði útiliði ásamt liðsmönnum KFS ofan af landi til eyja. Mikið rok var og gekk á með miklum skúrum.

Leikurinn byrjaði og tók það greinilega menn smá tíma að venjast grasinu, enda mikið búið að æfa á gervigrasi í bænum. Völlur var líka blautur og erfitt að ráða við boltan. KFS fengu betri færi í fyrri hálfleik, þegar Anton Rafn fékk boltan út til vinstri og átti skot sem markvörður Hamars varði nokkuð auðveldlega. Svo stuttu seinna átti Anton sendingu fyrir markið þar sem Sæþór rétt missti af boltanum en Trausti Hjalta náði að teygja sig í boltan en náði ekki að stýra honum í netið. Einnig voru nokkur hálffæri en bæði lið blaut og þreytt þegar flautað var til hálfleiks í stöðunni 0-0.

Í seinni hálfleik tók það bæði lið nokkurn tíma að komast í gang, ásamt því að boltin var mest allan tíman öðru megin á vellinum (vegna roks) og örugglega 20 innköst tekinn á fyrstu 30 mín. KFS var betri aðilinn og eins og í fyrri hálfleik áttu þeir nokkur góð færi. Sending frá Stefán Braga inn fyrir vörnina á Sæþór, sem náði góðu skoti sem markvörður Hamars varði glæsilega beint fyrir lappirnar á Trausta Hjaltasyni sem átti svo skot framhjá markinu. Stuttu seinna eftir hornspyrnu Hamars kom löng sending fram sem Sæþór náði og komst einn á móti markverði en eitthvað flæktist boltin fyrir honum og varnarmaður ásamt markverði náði að stoppa færið. Einnig eins og í fyrri hálfleik voru nokkur hálffæri. Hamars menn fengu einhverja auka hressingu rétt fyrir leikslok og hefði geta stolið stigunum þremur á ósanngjarnan hátt en þeir áttu skalla í stöng eftir hornspyrnu. Ásamt að einn leikmanna þeirra komst einn á móti Sigga "Dudek" markverði KFS sem varði glæsilega. Því endatölur 0-0 sem hefði átt að vera sigur KFS en þjálfarinn var ánægður með stigið. Hægt er að lesa umfjöllun hans á spjallinu.

Liðið: Sigurður í markinu, Adólf og Trausti Hermanns bakverðir, Sindri Viðars og Stefán Þór í vörninni. Anton Rafn og Trausti Hjalta á köntunum, Kiddi Gogga, Stefán Bragason og Ívar Örn á miðjunni og Sæþór fremstur. Varamenn sem allir komu inná voru: Nick, Andri Eyvinds, Jóhann Sveinn, Jóhann Rúnar og Guðgeir.

KFS mun leika sinn fyrsta heimaleik á sunnudaginn á móti Hamri klukkan 16:00. Leikurinn fer fram á Helgafellsvelli og er frítt á völlinn. KFS byrjaði íslandsmótið með sigri í sínum fyrsta leik og núna munu þeir mæta liði Hamars sem er gríðarsterkt og er spáð góðu gengi í sumar, enda búið að fá mikinn liðsstyrk og ætlar sér stóra hluti.

KFS þarf því á öllum þeim stuðningi sem hægt er að fá og um að gera að kíkja út í "góða" veðrið og sjá unga, sem aldna eyjapeyja leika skemmtilegan fótbolta. Ásamt því að lið KFS er komið í nýjan búning, sem er rauður og fallegur. Eins og sést í könnunnin hérna á síðunni á KFS mjög marga fallega leikmenn, sem taka sig virkilega vel út í nýja búningnum og því um að gera að kíkja á völlinn.

KFS lék sinn fyrsta leik í íslandsmótinu síðasta föstudag þegar þeir mættu liði Ýmis. Leikurinn var sá fyrsti í íslandsmótinu árið 2007 í öllum deildum. Hægt er að segja að leikurinn byrjaði kröftuglega en innan við 10 mín leik komst leikmaður KFS einn á móti markverði Ýmis og lendu þeir í samstuði og vítaspyrna dæmt ásamt því að markverðinum var sýnt gult spjald. Trausti Hjaltason, fyrirliði KFS, skoraði örugglega úr vítaspyrnunni og var markvörður Ýmis ekki sáttur við dómaran og mótmælti mikið og fékk að lokum rautt spjald. Útileikmaður Ýmis fór þá í markið. Leikurinn var jafn og skemmtilegur og í kringum 30 mín leiksins kom löng sending frá hægri kantinum beint á Anton Rafn sem smellti boltanum viðstöðulaust í netið. Staðan því 2-0 fyrir KFS, og þeir engan veginn hættir. Svo loks á 40 mínútu kemst einn leikmanna KFS í gegnum vörnin, potar boltanum framhjá markverði Ýmis sem bregður fætinum fyrir hann og fellir. Dómarinn sýnir markverðinum rautt spjald og því þurfti annar útileikmaður að fara í markið. Staðan því 2-0 í hálfleik og KFS 2 leikmönnum fleiri.

KFS var lengi í gang í seinni hálfleik og fékk á sig mark, staðan því 2-1 og við það lifnaði aðeins við leikmönnum KFS sem sóttu af krafti en ekki gekk að komast í alvöru færi. En þegar hálfleikurinn var um það bil hálfnaður kom skemmtileg sókn hjá KFS þar sem góð fyrirgjöf kom fyrir markið og þar var Guðgeir Clark mættur og setti boltan í netið. Staðan því orðinn 3-1 og nánast örugg og hélt sú staða til loka. Fyrsti sigur KFS á íslandsmótinu að staðreynd og mjög gott að hirða 3 stig á erfiðum útivelli.

Við þökkum Ými fyrir góðan leik og óskum lærisveinum Zelko's góðs gengis og hlökkum við til að mætta þeim á Helgafellsvelli seinna í sumar. Einnig á Ýmir þakkir skildar fyrir góðar pizzur og gos eftir leik.

KFS leikur sinn fyrsta leik í Íslandsmótinu í þriðjudeild í kvöld, Föstudaginn 11 maí. Leikið verður við lið Ýmis á gervigrasinu í Fagralundi. Leikurinn hefst klukkan 21:00 að staðartíma og búist er við hörkuleik.

KFS er búið að fá nokkuð mikin liðsstyrk fyrir komandi sumar og því er um að gera að kíkja á völlinn og sjá eyjapeyja, jafn unga sem aðra etja kappi við leikmenn Zelko, fyrrverandi þjálfara í eyjum.

Leikurinn hefst kl. 21:00 á Gervigrasinu í Fagralundi, í kópavogi eins og fyrr var greint frá. Úrslit og markaskorarar koma svo hingað á síðuna strax um kvöldið.